I over 20 år har samiske reindriftsutøvarar på Fosen kjempa mot det største vindkraftanlegget i Europa, som er bygd midt i dei viktigaste beiteområda deira. Når Høgsterett slår fast at anlegga bryt samiske menneskerettar, gjev det håp om at vindturbinane skal rivast. Men regjeringa nektar likevel å fjerne dei. Samiske ungdomar svarar med å mobilisere i protest, og alt blir sett på spel: fjellet, kulturen og framtida.