Patti Smith på norsk er ei framføring der songar Kari Harneshaug og gitarist Kyrre Laastad gjer musikalske tolkingar av Patti Smith sin musikk på nynorsk. Det heile er omkransa av Brit Bildøen si opplesing frå memoarbøkene til Patti Smith.

Omsettinga blei støtta av Kulturrådet, utval for litteratur, og det er Samlaget-forfattarane Brit Bildøen, Agnes Ravatn og Ragnar Hovland som har omsett repertoaret Kari Harneshaug har plukka ut. Repertoaret strekk seg frå Horses (1975) til Banga (2012). Brit Bildøen har også omsett fleire av memoarbøkene til Patti; Just Kids, M Train og Apens år. Framføringa har blitt gjort ved ei rekke arrangement og litteraturfestivalar i Norge som Dei nynorske festspela, Bøker i Bø, Det Vilde ord, Munchmuseet og De litterære festspill i Bergen.

Kari Harneshaug er opprinneleg frå Harøya, men har for tida base i Trondheim. Kari er både låtskrivar og songar, har gitt ut fire album. 

Konserten er i Kulturstova (3.etg). Unummererte sitteplassar, åpen bar. 

Dørene åpnar kl 19:00, konsertstart kl 20:00.